“Manchester Siti” klubi APLning 15-tur doirasida “Vest Xem”ni 2:1 hisobida mag‘lubiyatga uchratib, peshqadamlikni mustahkamlab oldi.
Gap shundaki, ushbu g‘alaba Xosep Gvardiola shogirdlarining mavsum boshidan beri 15-uchrashuvlaridagi 14-g‘alaba sifatida qayd etildi. Shuningdek, “Siti”ning bugungi g‘alabasi ketma-ket qozonilgan 13-g‘alaba bo‘ldi.
“Shaharliklar” ketma-ket g‘alaba qozonish bobida “Preston” (1891/92), “Sanderlend” (1891/92), “Arsenal” (2001/02) va “Chelsi” (2016/17) klublariga yetib olishdi.
Agar “Man Siti” keyingi turda “Manchester Yunayted”ni mag‘lubiyatga uchratsa, APL rekordini to‘liq yangilaydi.
