“Манчестер Сити” клуби АПЛнинг 15-тур доирасида “Вест Хэм”ни 2:1 ҳисобида мағлубиятга учратиб, пешқадамликни мустаҳкамлаб олди.

Гап шундаки, ушбу ғалаба Хосеп Гвардиола шогирдларининг мавсум бошидан бери 15-учрашувларидаги 14-ғалаба сифатида қайд этилди. Шунингдек, “Сити”нинг бугунги ғалабаси кетма-кет қозонилган 13-ғалаба бўлди.

“Шаҳарликлар” кетма-кет ғалаба қозониш бобида “Престон” (1891/92), “Сандерленд” (1891/92), “Арсенал” (2001/02) ва “Челси” (2016/17) клубларига етиб олишди.

Агар “Ман Сити” кейинги турда “Манчестер Юнайтед”ни мағлубиятга учратса, АПЛ рекордини тўлиқ янгилайди.