Хаби Алонсо “Челси” бош мураббийи лавозимида трансфер режаларини тузишни бошлади. Бу ҳақда журналист Томас Гонсалес-Мартин хабар бермоқда.
Манбага кўра, Алонсо Лондон клубига бирданига “Реал”нинг уч нафар футболчисини қўшиб олмоқчи. Гап ҳимоячи Фран Гарсия, шунингдек, ярим ҳимоячилар Эдуардо Камавинга ва Браим Диас ҳақида кетмоқда.
Эслатиб ўтамиз, Хаби Алонсо “Челси” билан 2030 йилнинг ёзига қадар шартнома имзолаган. Испаниялик мутахассис 1 июлдан “кўклар” билан иш бошлайди.













