“Bunyodkor” – “Lokomotiv” uchrashuvidan so‘ng g‘olib jamoa bosh murabbiyi Andrey Miklyayev jurnalistlar savollariga javob berdi.

“Avvalambor, g‘alaba bilan barchani tabriklayman. Muxlislar va siz jurnalistlarga rahmat. Muxlislarimiz sovuqqa qaramasdan bizni qo‘llab- quvvatlashd. Ko‘rganingizdek, chiroyli o‘yin bo‘ldi. Barcha tashkilotchilarga minnatdorchilik bildiraman.

Kubok bosh sovrinini ikkinchi marta qo‘lga kiritdik. Bundan xursandman. O‘yin borasida yigitlarga gap yo‘q. Jamoada hammasi a’lo darajada. Bizga shunday yuqori sharoit yaratib berishgani uchun klub rahbariyatiga ham alohida rahmat aytaman.

Albatta, ketma-ket ikkinchi marta g‘olib bo‘lish qiyin. Lekin bugun hammasini a’lo darajada uddaladik. Mavsum yakunlandi. Yangi futbolchilar sotib olish bo‘yicha keyinroq o‘ylab ko‘ramiz. Legionerlar mavzusi haqida hozircha bir nima deya olmayman.

Marat Bikmayevga “Paxtakor” va boshqa jamoalardan takliflar bor. Marat mavsumni yuqori ruhda o‘tkazdi, u biz uchun juda muhim futbolchilardan biri hisoblanadi. Ma’lumki, O‘zbekiston terma jamoasida ham bir qancha yaxshi o‘yinlarni o‘tkazdi”, - dedi Miklyayev.