Dortmundning “Borussiya” klubi rahbariyati hozircha jamoa bosh murabbiyi Peter Bos bilan xayrlashmoqchi emas.
“Biz aynan Bos bilan yangi davrga qadam qo‘ymoqchimiz”, – dedi dortmundliklar sport direktori Mixael Sork.
Bosni saqlab qolish niyatini “Borussiya” bosh direktori Xans-Yoaxim Vatske ham tasdiqladi: “Albatta, Bos o‘z lavozimida qolmoqda. Biz buni muhokama qilmaganmiz”.
Rahbariyat gollandiyalik mutaxassis g‘alabalar yo‘liga qaytish uchun vaqt berishga qaror qilgan. Agar yangi yilgacha “Borussiya” g‘alaba qozonishni boshlamasa, yangi murabbiy qidiruvi boshlanadi, deya ta’kidlamoqda Bild.
