Дортмунднинг “Боруссия” клуби раҳбарияти ҳозирча жамоа бош мураббийи Петер Бос билан хайрлашмоқчи эмас.
“Биз айнан Бос билан янги даврга қадам қўймоқчимиз”, – деди дортмундликлар спорт директори Михаэль Цорк.
Босни сақлаб қолиш ниятини “Боруссия” бош директори Ханс-Йоахим Ватцке ҳам тасдиқлади: “Албатта, Бос ўз лавозимида қолмоқда. Биз буни муҳокама қилмаганмиз”.
Раҳбарият голландиялик мутахассис ғалабалар йўлига қайтиш учун вақт беришга қарор қилган. Агар янги йилгача “Боруссия” ғалаба қозонишни бошламаса, янги мураббий қидируви бошланади, дея таъкидламоқда Bild.
