«Барселона» ярим ҳимоячиси Гави Испания терма жамоасининг ЖЧ-2026 учун қайдномасига киритилгани муносабати билан таъсирли пост қолдирди.
«Орзулар ушалди», — деб ёзди футболчи терма жамоа либосидаги суратлари остига ва сўнгги мавсумлардаги тизза жароҳатидан кейинги қийин тикланиш жараёнини эслаб ўтди.
Гави ўз постига мусиқа сифатида Шакира ва Burna Boy томонидан бўлажак турнир учун махсус ёзилган «Dai Dai» саундтрегини танлади.
«Сен учун жуда хурсандман, Гави», — деб ёзиб қолдирди Шакира 21 ёшли футболчининг постига изоҳ сифатида. Хонанданинг бу кутилмаган эътибори футболчи кузатувчиларини ҳайрон қолдирди.
