Osiyo chempionlar ligasining 2018 yilgi mavsumi guruh bosqichi uchun qur’a tashlash marosimi bo‘lib o‘tdi.

O‘zbekiston chempioni "Lokomotiv" "V" guruhida Qatarning "Ad-Duxayl", BAAning "Al-Vahda" hamda saralashdan chiqadigan jamoa bilan bahs olib boradigan bo‘ldi. Eronning "Zob Ohan" va Hindistonning "Ayzavl" jamoalari o‘rtasidagi pley-off o‘yini g‘olibi bu guruhdan o‘rin oladi.

Qarshining "Nasaf" klubi saralash bosqichida Iordaniyaning "Al-Faysaliy" klubini mag‘lub etsa, "S" guruhidan o‘rin oladi. Bu guruhda Ro‘ziqul Berdiyev shogirdlariga Eronning "Persepolis", Qatarning "As-Sadd" va BAAning "Al-Vasl" klublari raqiblik qilishadi.

"Paxtakor" esa Qatarning "Al-G‘arafa"si to‘sig‘idan o‘ta olsa, "A" guruhiga joylashadi. Bu guruhdan "Al-Jazira" (BAA), "Al-Ahli" (Saudiya Arabistoni) va "Traktorsoziy" (Eron) jamoalari o‘rin olishdi.

OCHL-2018 guruh bosqichi

"A" GURUHI
1. "Al-Jazira" (BAA)
2. "Al-Ahli" (Saudiya Arabistoni)
3. "Traktorsoziy" (Eron)
4. "Al-G‘arafa" (Qatar) / "Paxtakor" (O‘zbekiston)

"V" GURUHI
1. "Ad-Duxayl" (Qatar)
2. "Al-Vahda" (BAA)
3. "Lokomotiv" (O‘zbekiston)
4. "Zob Ohan" (Eron) / "Ayzavl" (Hindiston)

"S" GURUHI
1. "Persepolis" (Eron)
2. "As-Sadd" (Qatar)
3. "Al-Vasl" (BAA)
4. "Nasaf" (O‘zbekiston) / "Al-Faysaliy" (Iordaniya)

"D" GURUHI
1. "Al-Hilol" (Saudiya Arabistoni)
2. "Istiqlol" (Eron)
3. "Ar-Rayyan" (Qatar)
4. "Al-Ayn" (BAA) / "Al-Molikiya" (Bahrayn)

"E" GURUHI
1. "Chonbuk Motors" (Janubiy Koreya)
2. "Kitchi" (Gonkong)
3. Sharq pley-off-4
4. Sharq pley-off-2

"F" GURUHI
1. "Kavasaki Frontale" (YAponiya)
2. "Ulsan Xyonde" (Janubiy Koreya)
3. "Melburn Viktori" (Avstraliya)
4. Sharq pley-off-3

"G" GURUHI
1. "Guanjou Evergrand" (Xitoy)
2. Yaponiyaning 2-jamoasi
3. "Jeju Yunayted" (J.Koreya)
4. "Buriram Yunayted" (Tailand)

"H" GURUHI
1. "Sidney" (Avstraliya)
2. "Shangxay Shenxua" (Xitoy)
3. "Kashima Antlers" (YAponiya)
4. Sharq pley-off-1