Angliyaning “Manchester Siti” klubi bosh murabbiyi Pep Gvardiola ertaga “Tottenxem”ga qarshi o‘tadigan bahsdan oldingi fikrlari bilan o‘rtoqlashdi.
“Ertaga kuchli raqibga qarshi muxim o‘yin o‘tkaziladi. To‘g‘ri, bahs hal qiluvchi ahamiyatga ega emas, biroq natija barchaga zarur. Asosiysi – yaxshi o‘yin ko‘rsatish.
Oldingi uchrashuvlarning natijalaridan mamnunman, biz bundan ham ko‘prog‘iga loyiq edik.
“Tottenxem” – APLning eng kuchli jamoalaridan biri. Ularning qanday o‘rinda turganining farqi yo‘q. Bu klubga katta xurmat bilan qarayman”, - deydi Gvardiola.
