Angliyaning “Manchester Siti” jamoasi hujumchisi 13 yoshligida, futbol o‘ynashni endi boshlaganida, kuchli jamoalarga qarshi o‘ynaganini aytdi.

“Men 13 yoshligimda, katta erkaklar bilan futbol o‘ynashni boshlaganman. Braziliyada bu ko‘cha basketboliga o‘xshaydi.

Biz liganing eng kuchli jamoalariga qarshi to‘p surardik. O‘shanda menga qarab: “Bu bolakay kim?”, deb so‘rashgandi.

To‘rt daqiqadan keyin men himoyachini aldab o‘tdim va gol urdim. Undan keyin o‘sha himoyachi mening oyog‘imni sindirishini aytgandi.

Undan keyin to‘p yana menga tushdi va biz gol urdik. Uchrashuv 2:2 hisobidagi durang bilan yakunlandi. Va u yana oyog‘imni sindirishini aytdi.

Biroq jamoadoshlarim yig‘ilib meni himoya qildi. Bu bilan hikoyam tugamaydi. Rodjestvoda uyga qaytdim va oilamni ko‘rdim.

Bankka borishim kerak bo‘ldi. U yerda o‘sha yigitni ko‘rdim. U menga qarab: “Ey, bolakay, meni esladingmi? Men o‘sha, oyoqlaringni sindirmoqchi bo‘ldim”.

Men uni hazillashyapti, deb o‘yladim. “Yo‘q, yo‘q. Men buni qilmoqchi edim. Endi esa sen mening sevimli jamoamda o‘ynayapsan. Seni yaxshi ko‘raman, uka”.

Biz xursand bo‘ldik va birga rasmga tushdik”, - deydi Jezus.