Ma’lumki, sifatli futbol chempionati milliy terma jamoaning muvaffaqiyatli o‘ynashi uchun zamin yaratadi.
Shu bois ham futboli rivojlangan mamlakatlarda milliy chempionatlarni rivojlantirish uchun yaxshi sharoitlar yaratishga jiddiy bel bog‘lashgan.
O‘zbekistonda ham bu borada o‘zgarishlar qilib borilmoqda. Biroq hozirgi vaziyatdan kelib chiqadigan bo‘lsak, bu borada bajariladigan ishlar ko‘p.
Nimaga egamiz?
Mana bir necha yildirki, O‘zbekistonda Professional futbol ligasi deb atalmish tashkilot bor. O‘ylashimizcha, u nomigagina faoliyat yuritadi.
Negaki, olib borilayotgan ishlar, zerikarli tadbirlar, motivasiyaning yo‘qligi aynan shu tashkilotga tegishli. Butun dunyoda keng ko‘lamli ish ketayotgan bir paytda PFL bir yerda to‘xtab turgandek tasavvur uyg‘otmoqda.
Albatta, PFL rahbarlari o‘ziga xos tizim yaratishga urinishdi. Lekin biz kutilgan natijaga guvoh bo‘lmadik. Agar PFLning muvaffaqiyatsizliklari haqida gapiradigan bo‘lsak, quyidagi vaziyatlarga e’tibor qaratishimiz lozim:
- futbol klublarini moddiy rag‘batlantirish uslublari ishlab chiqilmadi;
- klublar o‘rtasida haqiqiy raqobatni yuzaga keltiradigan qulay va ixcham O‘zbekiston chempionati formati ishlab chiqilmadi;
- birinchi va ikkinchi ligaga kerakli e’tibor berilmadi. Natijada, bu oliy liga faoliyatiga salbiy ta’sir o‘tkazdi;
- marketing sohasida rivojlanish mexanizmi ishlab chiqilmadi. Bu esa klublarning oz bo‘lsada o‘z xarajatini qoplashi uchun zamin yaratardi;
- OAV bilan yetarli darajada hamkorlik o‘rnatilmadi.
Xuddi boshqa sport tashkilotlari kabi, PFL ham yuqorida ko‘rsatilgan yo‘nalishlarda ish olib borishi lozim edi. Shu orqali mamlakatda futbolning normal tarzda rivojlanishiga imkon yaratilardi.
Ishga bu kabi yondashish esa qaysidir ma’noda inqirozga sabab bo‘ldi. Yakunda PFL shu darajaga yetdiki, katta o‘zgarishlar qilish ehtiyoji oshdi. Tashkilot struktura va chempionat borasida hattoki, Osiyo talablarini ham bajara olmadi.
Rahbariyat o‘zgarganidan so‘ng... DAVOMI
