Uzoq vaqt "Tottenxem" sharafini himoya qilgan "Los-Anjeles" hujumchisi Son Xyon Min Londonga qaytadi.
"Shporlar" matbuot xizmatining ma’lum qilishicha, koreyalik futbolchi jamoaning Chempionlar ligasi doirasida 9 dekabr kuni bo‘lib o‘tadigan Praganing "Slaviya" jamoasiga qarshi o‘yiniga tashrif buyuradi.
"U 2015 yilda "Bayer"dan ko‘chib o‘tganidan keyin uni o‘z bag‘riga olgan va keyingi 10 yil davomida qo‘llab-quvvatlagan muxlislarga shaxsan murojaat qilish imkoniyatiga ega bo‘ladi. Bu, shubhasiz, hissiy lahza bo‘ladi," - deyiladi klub bayonotida.
Son 2025 yilning yozidan beri MLSda o‘ynamoqda. Amerika jamoasi safida u 13 ta o‘yinda maydonga tushib, 12 ta gol va to‘rtta golli uzatma bilan yodda qoldi.
