Узоқ вақт "Тоттенхэм" шарафини ҳимоя қилган "Лос-Анжелес" ҳужумчиси Сон Хён Мин Лондонга қайтади.
"Шпорлар" матбуот хизматининг маълум қилишича, кореялик футболчи жамоанинг Чемпионлар лигаси доирасида 9 декабрь куни бўлиб ўтадиган Праганинг "Славия" жамоасига қарши ўйинига ташриф буюради.
"У 2015 йилда "Байер"дан кўчиб ўтганидан кейин уни ўз бағрига олган ва кейинги 10 йил давомида қўллаб-қувватлаган мухлисларга шахсан мурожаат қилиш имкониятига эга бўлади. Бу, шубҳасиз, ҳиссий лаҳза бўлади," - дейилади клуб баёнотида.
Сон 2025 йилнинг ёзидан бери МЛСда ўйнамоқда. Америка жамоаси сафида у 13 та ўйинда майдонга тушиб, 12 та гол ва тўртта голли узатма билан ёдда қолди.
