Londonning “Arsenal” jamoasi bosh murabbiyi Arsen Venger nima uchun jamoasi “Vest Bromvich” bilan uchrashuvda ochko yo‘qotgani haqida gapirdi.
Kechagi o‘yinida hakam so‘nggi daqiqalarda “kanonirlar” darvozasi tomon penalti belgiladi.
“Bizni qiyin grafik kutib turibdi. G‘alaba uchun kurashdik. Bosh hakam Din o‘sha vaziyatni ko‘rmay qoldi. Uning oldida futbolchi turgandi. Undan o‘sha pallani qanday qilib ko‘rganini so‘radim.
Bu umuman penalti emasdi. Buni muhokama qilish mening ishim emas. Ammo biz g‘alabaga, “Vest Bromvich” esa penalti tepmaslikka loyiq edi”, - deydi Venger.
