Milliy olimpiya qo‘mitasi va O‘zbekiston futbol federasiyasi prezidenti Umid Ahmadjonov bugun federasiya binosida Yaponiyaning CBC Group kompaniyasinig Xalqaro ishlar bo‘yicha prezidenti Aran Olsner bilan uchrashuv o‘tkazdi, deya xabar beradi Xabar.uz.
«CBC Group» kompaniyasi turli ichimlik va sut mahsulotlari ishlab chiqarishga ixtisoslashgan bo‘lib, butun dunyoda o‘z filiallariga ega. O‘zbekiston futbol federasiyasi prezidenti Umid Ahmadjonov Aran Olsner bilan uchrashuv chog‘ida homiylik, marketing va boshqa masalalar yuzasidan fikr almashdi.
O‘z o‘rnida Aran Olsner CBC Group kompaniyasi formati o‘zgargan va yangidan tashkil qilinayotgan O‘zbekiston Superligasi uchrashuvlarida titul homiy bo‘lishga qiziqish bildirayotganini ma’lum qildi. Bu boradagi muzokaralar davom etmoqda.
