"Liverpul" bosh murabbiyi Yurgen Klopp Angliya chempionatida "Suonsi"dan uchralgan mag‘lubiyat (0:1) sabablarini keltirdi.
"Mening hafsalam pir bo‘ldi va achchig‘im chiqmoqda, chunki yomon o‘yin o‘tkazdik. Bu o‘yinni birinchi bo‘limidayoq boy bergan edik. O‘zimiz xohlagandek o‘ynay olmadik. Bu har doim ham uchrayvermaydi, bu men uchun kutilmagan holat bo‘ldi. Birinchi bo‘limda juda sust harakat qildik, raqib esa uchdi.
"Suonsi" o‘yinchilari bugun jamoani saqlab qolish uchun o‘ynadilar, bu normal holat. Bizda hujum qilishda muammolar bo‘ldi. Biz bu yerga boshqa natija uchun kelgan edik, ammo hech narsasiz qoldik, bu bizning aybimiz", - deydi Klopp.
