Jamoalar vakillari ishtirokida bo‘lib o‘tgan yig‘ilishda uchrashuv tashkilotchiligiga oid turli masalalar muhokama etildi.
Unda o‘yinda jamoalarning qanday rangli libosdan foydalanishiga aniqlik kiritildi. "Paxtakor" sariq liboslardan, mezbonlar esa oq liboslarda maydonga tushadigan bo‘ldi. “Paxtakor” darvozaboni qizil rangli liboslarda harakat qiladi.
OFK reglamentiga ko‘ra, asosiy vaqtda durang natija qayd etilgan taqdirda qo‘shimcha ikki bo‘lim belgilanadi. Unda ham g‘olib aniqlanmasa, penaltilar seriyasiga murojaat etiladi. Pley-offda olingan sariq kartochkalar guruh bosqichiga o‘tmaydi.
