Ser Aleks Fergyuson jahon futboli tarixidagi eng kuchli murabbiylar uchligiga kirishiga hech kim shubha qilmasa kerak. Biz ser Aleksning hayoti, futbolchilik va murabbiylik faoliyati haqidagi ikkinchi 10 ta haqiqatni e’tiboringizga xavola etamiz.
11. “MYU”dagi 27 yillik faoliyat
1986-yilning 5 noyabrdida “MYU” rahbari Martin Edvards Aleksga qo‘ng‘iroq qilib “qizil iblislar”ni boshqarishni taklif etadi. Qahramonimiz esa o‘ylab o‘tirmasdan taklifni qabul qilib, ertasi kuniyoq Manchesterliklar murabbiyi sifatida tanishtirildi. Fergi “mankunianliklar”ni boshqargan 27 yili davomida 13 marta Angliya chempionligini, 5 bora Angliya kubogini, 4 marta Angliya liga kubogini, 10 bora Angliya superkubogini, 2 bora Chempionlar ligasini va bir martadan Kubok egalari kubogi, UYEFA superkubogi, Qit’alararo kubogi va klublar o‘rtasidagi jahon chempionligini qo‘lga kiritdi. U “MYU”ni jami 1500 marta maydonga boshlab tushib, 1253 ta g‘alabani qo‘lga kiritgan. Duranglari soni 490, mag‘lubiyatlari esa 412 tani tashkil etadi.
12. “MYU”ga kelmasligi ham mumkin edi
Fergyusonning Manchesterga ko‘chib o‘tishi oxirgi daqiqalarda barbod bo‘lishi ham mumkin edi. Buni ko‘pchilik bilmasa kerak. O‘shanda Aleksning rafiqasi Keti Aberdinni tark etishni istamaydi. Lekin Fergi rafiqasini ularni buyuk kelajak kutayotganligiga ishontira olgan.
13. “MYU”dan ketmoqchi bo‘lgan
Fergyuson ikki marta “Manchester Yunayted”ni tark etmoqchi bo‘lgan. 1993-1994 yillar mavsumida Fergi “Arsenal” ustozinining maoshi unikidan ikki barobar ko‘p ekanligini bilib qolgach, ketishni xohlagan. Oradan ikki yil o‘tgach esa yana o‘sha mavzu ko‘tarilgan. Yaxshiyamki “Qizil iblislar” rahbariyati janob Aleksning “tilini topa olgan”.
14. BBCga 7 yil baykot
2004 yili Britaniya televideniyasida “Ota va bola” ko‘rsatuvi namoyish etilgach, ser Aleks VVS kanaliga intervyu berishdan bosh tortadi. Gap shundaki filmda kanal “MYU” bosh murabbiyining o‘g‘li har bir transfer mavsumi paytida otasining mavqeidan foydalanganini bayon etgan. Tabiiyki bu Fergyusonning izzat nafsiga tekkan. Faqatgina oradan 7 yil o‘tgach Fergyuson VVC kanali rahbarlari bilan uchrashib “boykot”ni bekor qilgan.
15. Shaxsiy sovrinlar
Fergyuson 27 marta APLda oyning, 11 marta mavsumning eng yaxshi murabbiyi sifatida e’tirof etilgan. Shuningdek 4 marta World Soccer nashri versiyasiga ko‘ra, 3 marta Onze d’Or jurnali versiyasi ko‘ra yilning eng yaxshi murabbiyi deb topilgan. Ser Aleks murabbiylik faoliyati davomida 73 ta shaxsiy sovrinlarga ega chiqqan.
16. Hakamlar bilan janjallashishni yaxshi ko‘radi
Ser Aleks hakamlarni tanqid qilishni yaxshi ko‘radi. U premyer ligadagi faoliyati davomida hakamlarni ayblash bilan bog‘liq 6 ta janjalda qatnashdi va umumiy hisobda 15 ta o‘yinga chetlatilib, 75 ming funt sterling jarima to‘lagan.
