«Barselona» vise-prezidenti Jordi Mestre Neymarning yozgi transfer paytida «PSJ»ga o‘tgani borasida o‘z fikrlarini bildirib o‘tdi.

«Biz u bilan, uning otasi bilan shunchalik ko‘p gaplashdikki, ishda siljish bo‘lmadi. Agar u oldimizga kelib, xuddi Fabregas, Pedro, Sanches yoki Maskerano kabi jamoadan ketish niyati borligi aytganida, biz uni tushungan bo‘lardik. Ammo taxminlarga asoslanib biror ish qilish qiyin.

U biz bilan mushuk-sichqon o‘ynadi. U bizga hech narsa demadi. Agar u o‘z niyatini gapirganida, «PSJ» uni kamroq summaga sotib olishi mumkin edi. Natijada keyingi transferlar biz uchun ham arzonroq tushardi. Neymar o‘zining xatti-harakati orqali transfer bozorida shov-shuv ko‘tarishni istadi.

Nima uchun u bunday qildi? Messi "Barsa"da o‘ynar ekan, u jamoada hech qachon birinchi raqamli futbolchi bo‘la olmasligini u tushundi. Birinchi raqamli futbolchi bo‘lish uchun Neymar klubni tark etishi kerak edi», — dedi Mestre.

Eslatib o‘tamiz, Neymar «Barselona» bilan sudlashmoqchi.