«Барселона» вице-президенти Жорди Местре Неймарнинг ёзги трансфер пайтида «ПСЖ»га ўтгани борасида ўз фикрларини билдириб ўтди.

«Биз у билан, унинг отаси билан шунчалик кўп гаплашдикки, ишда силжиш бўлмади. Агар у олдимизга келиб, худди Фабрегас, Педро, Санчес ёки Маскерано каби жамоадан кетиш нияти борлиги айтганида, биз уни тушунган бўлардик. Аммо тахминларга асосланиб бирор иш қилиш қийин.

У биз билан мушук-сичқон ўйнади. У бизга ҳеч нарса демади. Агар у ўз ниятини гапирганида, «ПСЖ» уни камроқ суммага сотиб олиши мумкин эди. Натижада кейинги трансферлар биз учун ҳам арзонроқ тушарди. Неймар ўзининг хатти-ҳаракати орқали трансфер бозорида шов-шув кўтаришни истади.

Нима учун у бундай қилди? Месси "Барса"да ўйнар экан, у жамоада ҳеч қачон биринчи рақамли футболчи бўла олмаслигини у тушунди. Биринчи рақамли футболчи бўлиш учун Неймар клубни тарк этиши керак эди», — деди Местре.

Эслатиб ўтамиз, Неймар «Барселона» билан судлашмоқчи.