Futzal bo‘yicha O‘zbekiston terma jamoasi bugun, 8 fevral kuni chorak final uchrashuvini o‘tkazadi. Bahodir Ahmedov shogirdlariga Vyetnam futzalchilari qarshilik qiladi.
Mazkur uchrashuv Xinzhuang Gymnasium sport majmuasida bo‘lib o‘tadi. Nominal mezbon sifatida maydonga tushadigan Vyetnam oq rangli formalarni tanladi. O‘zbekiston termasi bugun ko‘k liboslarda harakat qiladi.
Vyetnam – O‘zbekiston bellashuvi g‘olibi yarim finalda Eron – Tailand juftligida zafar quchgan jamoa bilan o‘ynaydi.
Eslatib o‘tamiz, Vyetnam va O‘zbekiston terma jamoalari ishtirokidagi chorak final bahsi bugun, Toshkent vaqti bilan 16:00 da boshlanadi.
