Yevropa chempionlar ligasining 1/8 finalidan o‘rin olgan “Yuventus” hamda “Tottenxem” jamoalari o‘rtasidagi uchrashuv yakuniga yetdi. Mazkur o‘yin jangovar 2:2 hisobi qayd etildi.
O‘yinning 2-daqiqasida jarima zarbasidan uzatilgan to‘pni yolg‘iz qolgan Gonsalo Iguain Lyoris darvozasiga joylab qo‘ydi. Oradan biroz vaqt o‘tib, Ben Devis jarima maydonchasida raqib futbolchisiga qo‘pollik ishlatdi va bu vaziyatda hakam “Tottenxem” darvozasi tomon penalti belgiladi. To‘p yoniga yaqin kelgan Iguain yana “Yuventus”ni oldinga olib chiqib, YECHL tarixida eng tezkor dubl muallifiga aylandi.
Kutilmaganda tezkor gollarni o‘tkazib yuborgan “Tottenxem” Turin stadionida tahlika tushmadi va ketma-ket hujumlar uyushtirish evaziga 35-daqiqada hisobni qisqartirdi. Buffon bilan yakkama-yakka qolib ketgan Garri Keyn mohirona tarzda fahriy darvozabonni aldab o‘tib, o‘zining joriy mavsum YECHLdagi 7-to‘pini kiritdi. Birinchi bo‘lim shu hisobda poyoniga yetdi.
Ikkinchi bo‘lim ham kutilganidek hujumkor tarzda boshlandi. Jumladan Keynning bosh bilan bergan zarbasini Buffon deyarli bir metr masofadan qaytargan bo‘lsa, burchakdan uzatilgan to‘pni Iguain bosh bilan darvoza tomon yo‘lladi. Ammo Lyoris ikkita goldan so‘ng biroz hushyor tortdi. O‘yin tobora yakunlanib borayotgan bir vaqtda Jorjo Kyellini Dele Alliga nisbatan qo‘pollik ishlatdi va chamasi 20-25 metrlardan amalga oshirilgan to‘p Buffonning o‘tkir burchagidan joy oldi. Gol muallifi Kristian Eriksen. O‘yin yakunlanishiga qadar har ikki jamoada ham gol urish uchun vaziyatlar bo‘ldi, ammo londonliklar o‘yinda intrigani qaytargan holda safarda irodali durangni qayd etishdi.
YECHL. 1/8 final.
Yuventus Italiya – Tottenxem Angliya 2:2.
Gollar: 1:0 – 2 Iguain, 2:0 – 9, penalti Iguain, 2:1 – 35 Keyn, 2:2 – 71 Eriksen.
Yuventus – Buffon, Benatiya, Kyellini, De Shilyo, Aleks Sandro, Xedira (Bentankur, 66), Duglas Kosta, Pyanich, Bernardeski, Iguain, Mandjukich (Sturaro, 76).
Tottenxem –Lyoris, Devis, OrYE, Vertongen, Sanches, Eriksen (Vanyama, 90), Dembele, Dayer, Lamela (Lukas Moura, 89), Alli (Son Xin Min, 83), Keyn.
Ogohlantirishlar: Devis (8), Benatiya (45), Orye (47), Iguain (60), Bentankur (80).
