Avval xabar berib o‘tganimizdek, O‘zbekiston futbol Assosiasiyasining yillik taqvimi asosida 13 yoshdan 17 yoshgacha bo‘lgan beshta yosh toifadagi guruhlarda Respublika birinchiligi musobaqalari bo‘lib o‘tmoqda. 

Maxsus futbol maktab-internetlari, Olimpiya zaxiralari kolleji, Bolalar va o‘smirlar futbol maktablari, Ixtisoslashgan bolalar va o‘smirlar sport maktablari hamda Bolalar va o‘smirlar sport maktablarining futbol tarbiyalanuvchilari o‘rtasida tashkil etilayotgan musobaqaning birinchi bosqich o‘yinlari  Andijon viloyatida yakuniga yetdi.

Musobaqa Andijon shahri hamda Baliqchi, Shahrixon va Qo‘rg‘ontepa tumanlarida bo‘lib o‘tdi.

Musobaqaning viloyat final bosqichi joriy yilning 13 fevral kuni 11-13 yoshlilar o‘rtasida o‘tkazildi hamda g‘oliblar aniqlab olindi. 11-yoshli bolalar o‘rtasida 1-o‘rinni viloyat BO‘FM  jamoasi qo‘lga kiritdi. 13-yoshli O‘smirlar o‘rtasida Andijon viloyat FIMI jamoasi egalladi.

Ushbu jamoalar O‘FA ning 2018 yil taqvim rejasiga asosan o‘tkazilishi rejalashtirilgan Respublika bosqichlarida ishtirok etish xuquqinini qo‘lga kiritdilar. Musobaqa g‘oliblari esdalik sovg‘alari hamda Andijon Futbol federasiyasining 1-2-3 darajali diplomlari bilan taqdirlandilar.