«Pari Sen-Jermen» hujumchisi Usmon Dembele o‘tgan mavsum yakunlariga ko‘ra «Oltin to‘p»ni qo‘lga kiritish uchun asosiy da’vogarlarni sanab o‘tdi. Fransiyalik futbolchi ayni paytda ushbu nufuzli shaxsiy sovrinning amaldagi sohibi hisoblanadi.
«Mening kuchli uchligim? Kvarasxeliya, juda yaxshi mavsum o‘tkazgan Xarri Keyn va, menimcha, Kilian Mbappe.
O‘zimmi? Yo‘q, men hech qachon o‘zimni ro‘yxatga kiritmayman. Maykl Olise ham nomzodlar orasida bo‘lishi mumkin. U ajoyib mavsum o‘tkazdi va Bundesliganing eng yaxshi futbolchisi bo‘ldi.
Yamal, Ruis va Pacho ham «Oltin to‘p»ga da’vogarlik qilishi mumkin», — dedi Dembele France Football bilan suhbatda.
«Oltin to‘p»ni topshirish marosimi 26 oktyabr kuni Londonda bo‘lib o‘tadi.
