Og‘ir atletika bo‘yicha O‘zbekiston ayollar va erkaklar terma jamoalari muhim turnirlar oldidan o‘quv-yig‘in mashg‘ulotlarini davom ettirmoqdalar.
O‘zbekiston erkaklar terma jamoasining Sochidagi yig‘inida Olimpiya o‘yinlari chempioni Ruslan Nuriddinov ham ishtirok etmoqda. Xabaringiz bor, Rio Olimpiadasidan so‘ng O‘zbekiston og‘ir atletika federasiyasi Ruslanga 1,5 yillik dam bergandi. Hozirga kelib esa, u terma jamoa bilan birga Sochidagi yig‘inlarida ishtirok etmoqda. O‘z vaqtida jahon chempionati va Olimpiya o‘yinlarida oltin medalni qo‘lga kiritgan Ruslanning bugungi kundagi asosiy maqsadi Osiyo o‘yinlari g‘olibiga aylanish hisoblanadi. Undan tashqari, terma jamoamizning boshqa a’zolari ham yangi mavsum uchun jiddiy hozirlik ko‘rishmoqda. 3 fevral kuni boshlangan yig‘in 27 fevralgacha davom etadi.
Eslatib o‘tamiz, yig‘inda ishtirok etayotgan sportchilarimiz ro‘yxati quyidagicha ko‘rinish olgan:
Farhodbek Sobirov
Akbar Jo‘rayev
Doston Yoqubov
Ruslan Nuriddinov
Rustam Jangabayev
Adhmajon Ergashev
Shahzod Xudoyberganov
Sunnatilla O‘sarov
Muhammadqodir Toshtemirov
Saidmuxtor Saidahrorov
Murabbiylar: Bahrom Abdumalikov, Mansurbek Chashemov
Massajchi: Obiddin Muslimov
Shuningdek, qizlarimiz ham yangi mavsumga tayyorgarlikni davom ettirishmoqda. Qozon shahrida o‘tkazilayotgan yig‘inlar ham qizg‘in kechmoqda.
O‘zbekiston ayollar terma jamoasi yig‘inda quyidagi tarkibda ishtirok etmoqda:
Muattar Nabiyeva
Omadoy Otaqo‘ziyeva
Shahloxon Abdullayeva
Kumushxon Fayzullayeva
Nigora Suvonova
Tursunoy Jabborova
Gulnoza Ahmadova
Dolera Davronova
Zarnigor Abdurahmonova
Nigora Abdullayeva
Zuhra Otajonova
Bozorgul Ramberganova.
Qizlarimiz murabbiylar Bahrom Mendiboyev va Mahmud Tog‘ayevlar qo‘l ostida mashg‘ulotlar olib borishmoqda. 6 fevral kuni boshlangan yig‘in 27 yanvar kuni o‘z nihoyasiga yetadi.
