Dubayda 9 kun davom etgan yig‘in nazorat uchrashuvi bilan yakunlandi.

Ummonning "Shabab" jamoasiga qarshi Al-Ayndagi "Tahnun Bin Muhammad" stadionida maydonga tushgan "sherlar" 2:1 hisobida g‘alaba qozonishdi. 5-daqiqada Bezerra to‘pni raqibdan olib qo‘ygach, darvozabon bilan yakkama-yakka chiqqan Gonsalvesh hisobni ochdi. Tanaffusgacha hisob o‘zgarmadi.

Ikkinchi bo‘lim boshida raqib muvozanatni tikladi. Shundan so‘ng tashabbusgi erishgan jamoa 84-daqiqada g‘alabani o‘z tomoniga og‘dirdi. Ibrohimovning to‘p oshirishidan keyin Hakimov gol muallifiga aylandi. Shu tariqa "Paxtakor" BAA yig‘inidagi uchinchi nazorat bellashuvini ham yutuq bilan tamomladi.

Shanba kuni Dubaydan Toshkentga qaytadigan "Paxtakor" Superliganing 1-turiga tayyorgarlikni Toshkentda davom ettiradi.

"Paxtakor" - "Al-SHabab" - 2:1 (1:0)

Gollar: Gonsalvesh 5, Hakimov 84.

"Paxtakor": Suyunov, Sayfiyev (Andreev, 88), Simich (Tojiyev, 80), A’zamov, Shorahmedov, Iskanderov (Rahmatullayev, 57), Griffits, Masharipov (Ibrohimov, 75), Abdurahimov, Bezerra (YAxshiboyev, 55), Gonsalvesh (Hakimov, 75).