O‘zbekiston Superligasi 1-turida "Paxtakor" "So‘g‘diyona"ni qabul qiladi.
Jamoalar O‘zbekiston chempionatlari tarixida 44 uchrashuvda maydonga tushishgan. "Paxtakor" 36 bellashuvda g‘alaba qozongan. 4tadan o‘yin durang va raqib yutug‘i bilan yakunlangan. 20 bahsda jamoamiz darvozasidan to‘p o‘tkazib yubormagan. Uydagi yagona mag‘lubiyat 1995 yil 17 iyunda qayd etilgan - 1:2. Toshkentda 20 uchrashuvda muvaffaqiyatga erishilgan. Bir bor durang natija kuzatilgan. 115 marta jizzaxliklar darvozasini ishg‘ol qilgan "sherlar" 37 to‘p o‘tkazgan.
Sobiq Ittifoq davrida chempionat miqyosida jamoalar 4 marta to‘qnash kelishgan. Ularda har ikki klub o‘z maydonida yutuqqa erishgan. Barcha bellashuvlar 1985 yil o‘ynalgan. O‘sha paytda "So‘g‘diyona" "Zvezda" nomi bilan birinchi ligada ishtirok etgan.
2 mart kuni "Paxtakor" va "So‘g‘diyona" o‘rtasida chempionatlarimizdagi 45-uchrashuv soat 20:00da "Paxtakor" stadionida boshlanadi.
Yoshlar tarkiblari o‘yini 1 mart kuni Qibraydagi stadionda 15:30da start oladi.
