Osiyo chempionlar ligasining 3-turi doirasida «Nasaf» Qatarning «As-Sadd» jamoasini qabul qildi. Qarshiliklar butun o‘yin davomida raqibga nisbatan yaxshiroq o‘yin namoyish qilishdi.

Tanaffusga qadar yaratilgan ko‘plab vaziyatlardp menzbonlarga aniqlik yetishmadi. Bo‘lim tugashiga 3 daqiqa qolganida Bobur Abduholiqov tomonidan kiritilgan to‘p ofsayd deb baholandi va inobatga olinmadi.

"Ajdarlar" ikkinchi bo‘limda ham g‘alaba umidida hujumkor o‘yin ko‘rsatishdi. Bahsning 62-daqiqasida raqib himoyachisi jarima maydonchasi ichida Abduxoliqovga nisbatan qo‘pol o‘ynadi. Belgilangan penalini Azizjon G‘aniyev aniq amalga oshirib, hisobni ochdi. Ushbu natija o‘yin so‘ngiga qadar o‘zgarmay qoldi.

Ketma-ket ikkita uy uchrashuvida g‘alaba qozongan «Nasaf», o‘z ochkolarini 6taga yetkazib oldi. "S" guruhida, shuningdek, "As-Sadd" va "Persepolis" hisobida ham shuncha ochko mavjud. Qarshiliklar keyingi turni Qatarda "As-Sadd"ga qarshi o‘tkazadi.

OCHL-2018, «S» guruhi, 3-tur
«Nasaf» (O‘zbekiston) – «As-Sadd» (Qatar) 1:0 (0:0)
Gol: Azizjon G‘aniyev (62, penalti).
«Nasaf»: 35. Sanjar Quvvatov, 55. Slavko Lukich, 22. Igor Golban, 92. Umar Eshmurodov, 31. Saydullo Rahmatov, 7. Odiljon Hamrobekov, 6. Aziz G‘aniyev, 77. Jasur Hasanov (14. Sharof Muhitdinov, 87), 27. Islom Rashidxonov (21. Jahongir Aliyev, 90), 20. Islom Kenjaboyev (4. Maqsud Karimov, 79), 10. Bobir Abdixoliqov.
«As-Sadd»: 1. Saad Alshii, 2. Pedro Korrea, 3.YOsir Isa (8.Ali Asad, 71), 5. Jugurta Hamron (17.Hasan Ahmad, 82), 12. Hamid Ismoil Xalifa, 14. Abdulkarim Hassan, 37. Ahmad Suhayil,  16. Bualem Kuxi (10. Hassan Al Haydos, 61), 20.Salim Ali al-Hajriy, 96. Akram Afif, 11.Bag‘dod Bunyodjah.
Ogohlantirishlar: Ahmad (19), Rahmatov (21),

"Persepolis" (Eron) - "Al-Vasl" (BAA) - 2:0
Gollar: Farshad Ahmadzoda (36), Ali Alipur (41-peanlti)