Bugun “Markaziy” stadionimizda katta futbol. “Nasaf” o‘z maydonida bu yilgi Superliganing ilk uchrashuvini o‘tkazadi. Futbol ishqibozlari bugun qo‘shnilar derbisiga guvohi bo‘lishadi.
Uchrashuv boshlanishidan oldin bir guruh taniqli san’atkorlar ijrosida konsert va milliy chempionatimizning tantanali ochilish marosimi bo‘lib o‘tadi.
O‘zbekiston Superligasi-2018. 2-tur
“Nasaf” (Qarshi) – “Buxoro” (Buxoro)
09.03.2018. “Markaziy” stadion. 18:00da
Bosh hakam: Viktor Serazitdinov (Toshkent)
Qanot hakamlari: Ravil Shoyaxmetov (Toshkent), Akbar Po‘latov (Toshkent)
Zaxira hakami: Isxax Ibrohimov (Nukus).
Nazoratchi: Rashid Aytekov (Toshkent).
Uchrashuv komissari: Roman Chernikov.
Yon qo‘shnilar, “Nasaf” hamda “Buxoro” jamoalari milliy chempionatimizda shu paytgacha o‘zaro 40 marta kuch sinashganlar. O‘zaro bo‘lib o‘tgan uchrashuvlarning 21 tasida jamoamizning qo‘li baland kelgan. 9 uchrashuvda murosa ko‘chasi tanlangan bo‘lsa, 10 uchrashuvda buxorolik futbolchilar g‘alabaga erishgan. To‘plar nisbati bo‘yicha ham ustunlik jamoamiz tomonida 69-39.
Milliy chempionatimiz doirasidagi Qarshida bo‘lgan 20 uchrashuvning 14tasida “Nasaf” g‘alabaga erishgan. Qolgan 6 uchrashuvda murosaga kelingan. “Buxoro” hozirgacha Qarshida “Nasaf”ni mag‘lubiyatga uchrata olmagan. Qarshidagi o‘zaro uchrashuvlarda darvozalarga jami 49ta to‘p kiritilgan, to‘plar nisbati 49-9 tashkil etmoqda, ustunlik jamoamiz tomonida.
Jamoamiz Qarshida o‘tkazilgan uchrashuvlarda “Buxoro”ni yetti marta 3:0 hisobida va bir marta 4:2, 3:1 hisoblarida mag‘lubiyatga uchratgan. Mazkur jamoalar Qarshidagi uchrashuvlarda uch mart maydonni golsiz tark etishgan.
“Nasaf” – “Buxoro” uchrashuvi bugun “Markaziy” stadionda soat 18:00da boshlanadi.
Soat 17:00dan boshlab, bir guruh taniqli san’atkorlar konsert dasturini namoyish qilishadi.
Chiptalar sotuvi davom etmoqda.
“Markaziy”ga marhamat qiling!
