Osiyo chempionlar ligasining "V" guruhida 4-turning yana bir bahsi bo‘lib o‘tdi. BAAning "Al-Vahda" klubi o‘z maydonida Eronning "Zob Ohan" jamoasini qabul qilib, kutilmaganda, yirik hisobda g‘alaba qozondi.
Natijaning kutilmaganligi shundaki, Amirlik jamoasi dastlabki 3ta o‘yinning barchasida mag‘lub bo‘lgan bo‘lsa, eronliklar 2ta g‘alabani rasmiylashtirishgandi.
Birinchi bo‘lim tugashi arafasida "Al-Vahda" hisobni ochishga muvaffaq bo‘lgan bo‘lsa, ikkinchi bo‘limda mezbonlar yana 2 marta raqib darvozasini ishg‘ol qilishga muvaffaq bo‘lishdi.
Shu tariqa, "Al-Vahda" musobaqadagi dastlabki 3 ochkosini qo‘lga kiritdi. Natijada "Lokomotiv"da pley-off chiqish imkoniyati saqlanib qoldi va barchasi "temiryo‘lchilar"ning o‘ziga bog‘liq.
OCHL, "V" guruhi, 4-tur
"AL-VAHDA" (BAA) - "ZOB OHAN" (ERON) - 3:0
Gollar: Sebastyan Tagliabuye (45), Murod Batna (57), Muhammad al-Akbariy (65)
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | Duhayl | 4 | 4 | 0 | 0 | 11-6 | 12 |
| 2 | Zob Ohan | 4 | 2 | 0 | 2 | 5-6 | 6 |
| 3 | Lokomotiv | 4 | 1 | 0 | 3 | 8-7 | 3 |
| 4 | Al-Vahda | 4 | 1 | 0 | 3 | 5-10 | 3 |
