Осиё чемпионлар лигасининг "В" гуруҳида 4-турнинг яна бир баҳси бўлиб ўтди. БААнинг "Ал-Ваҳда" клуби ўз майдонида Эроннинг "Зоб Оҳан" жамоасини қабул қилиб, кутилмаганда, йирик ҳисобда ғалаба қозонди.
Натижанинг кутилмаганлиги шундаки, Амирлик жамоаси дастлабки 3та ўйиннинг барчасида мағлуб бўлган бўлса, эронликлар 2та ғалабани расмийлаштиришганди.
Биринчи бўлим тугаши арафасида "Ал-Ваҳда" ҳисобни очишга муваффақ бўлган бўлса, иккинчи бўлимда мезбонлар яна 2 марта рақиб дарвозасини ишғол қилишга муваффақ бўлишди.
Шу тариқа, "Ал-Ваҳда" мусобақадаги дастлабки 3 очкосини қўлга киритди. Натижада "Локомотив"да плей-офф чиқиш имконияти сақланиб қолди ва барчаси "темирйўлчилар"нинг ўзига боғлиқ.
ОЧЛ, "В" гуруҳи, 4-тур
"АЛ-ВАҲДА" (БАА) - "ЗОБ ОҲАН" (ЭРОН) - 3:0
Голлар: Себастьян Таглиабуе (45), Мурод Батна (57), Муҳаммад ал-Акбарий (65)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Дуҳайл | 4 | 4 | 0 | 0 | 11-6 | 12 |
| 2 | Зоб Оҳан | 4 | 2 | 0 | 2 | 5-6 | 6 |
| 3 | Локомотив | 4 | 1 | 0 | 3 | 8-7 | 3 |
| 4 | Ал-Ваҳда | 4 | 1 | 0 | 3 | 5-10 | 3 |
