Gresiyaning PAOK klubi prezidenti AYEK klubi bilan uchrashuvdagi voqea uchun rasman uzr so‘radi.

Eslatib o‘tamiz, Gresiya chempionatining 25-turida PAOK-AYEK uchrashuvi (0:0) oxiriga yetmay to‘xtab qolgan. Uchrashuvning so‘nggi daqiqalarida PAOK gol urgan, ammo hakam buni bu vaziyatni ofsayd deb topgan. Natijada maydonda ikki tomon o‘rtasida janjal ko‘tarilgan va mezbonlar prezidenti Ivan Savvidi maydonga tushib janjalga aralashgan. Fotograflar uning to‘pponchasi borligi payqab, uni suratini tarqatdilar. Guvohlarning so‘zlariga ko‘ra, Savvidi hakamga po‘pisa qilib, golni hisoblashni talab qilgan. AYEK uchrashuvni davom ettirishdan bosh tortgan.

"PAOK muxlislari, gresiyalik ishqibozlar va dunyo futbol jamiyatidan uzr so‘rayman. Bo‘lib o‘tgan ishdan afsusdaman. Maydonga bu tariqa tushmasligim kerak edi.

Mening bu harakatimga grek futbolidagi oxirgi nosog‘lom vaziyat va o‘sha uchrashuvdagi chidab bo‘lmas va nosportcha munosabat sabab bo‘ldi: hakamlar harakati, o‘yin to‘xtalishlari, janjallar va har ikki tomonning o‘nlab xodimlarining maydonga tushib ketishlari. Ishoning, mening hakamlar bilan ham, raqib o‘yinchilari bilan ham tortishish niyatim yo‘q edi va albatta, hech kimga tahdid qilganim ham yo‘q", - deydi Savvidi.