3-turda "Paxtakor" Toshkentda AGMKni 2:1 hisobida mag‘lubiyatga uchratdi.
Dastlabki daqiqalardan tashabbusga erishgan "sherlar" 20 daqiqa ichida ikki to‘p kiritishga muvaffaq bo‘lishdi. 13-daqiqada Sayfiyevning chap qanotdan jarima maydoniga yerlatib oshirgan to‘pini Tiago chap oyog‘ida uzoq burchakka aniq yo‘lladi - 1:0. 7 daqiqadan keyin Bezerrega nisbatan ishlatilgan qo‘pollik uchun belgilangan penaltidan Gonsalvesh unumli foydalandi - 2:0.
Tanaffusga qadar Bezerra, Rahmatullayev va Tojiyevning xavfli zarbalari golga aylanmadi. Mehmonlar 42-daqiqada hisobni qisqartirishdi. Jokich Norbekovga ishlatilgan qo‘pollik uchun belgilangan 11 metrlik jarima zarbasini aniq bajardi.
Ikkinchi bo‘limda to‘pni nazorat qilgan "Paxtakor"da qulay imkoniyatlar bo‘ldi, ammo ulardan foydalanish nasib etmadi. Gonsalveshning ikki urinishi noaniq chiqdi. O‘yin oxirida Suyunov Abdullayevning xavfli zarbasi yo‘liga g‘ov bo‘ldi.
2:1 hisobidagi g‘alaba "Paxtakor"ning mavsumdagi ikkinchi g‘alabasini ta’minladi.
"PAXTAKOR" - AGMK - 2:1 (2:1)
18 mart. "Paxtakor" stadioni. 12852 tomoshabin.
Gollar: Bezerra, 13 - 1:0. Gonsalvesh, 20-pen - 2:0. Jokich, 42-pen - 2:1.
Ogohlantirish: To‘rayev, 38.
Hakamlar: V.Seytlin, A.Snetkov, S.Ulfatov, S.Abdurahmonov.
"Paxtakor": Suyunov, Sayfiyev, A’zamov, Simich (Tojiyev, 18), Shorahmedov, Rahmatullayev (Ahmedov, 85), Griffits, Masharipov, Abdurahimov (Iskanderov, 77), Bezerra, Gonsalvesh.
AGMK: Matyash, Hojiakbarov, Jo‘rayev (CHemirtan, 76), Polvonov, Norbekov (Abdullayev, 71), To‘rayev, Bubanya, Bahodirov (Muxtorov, 46), Kasminin, Jokich, Guseynov.
