Pol Pogbaning agenti Mino Rayolaning ta’kidlashicha, «Manchester Yunayted» uning mijoziga minnatdorchilik bildirishi kerak. Uning so‘zlariga ko‘ra, Polning transferi mankunianliklar uchun yanada qimmatroqga tushishi mumkin edi.
«Hozirda televizion huquqlar narxi oshib bormoqda, shunday ekan, futbolchilarga ko‘p pul to‘lanishi hayratlanarli holat emas.
Hech qachon narxlarga katta e’tibor qaratmaganman. Aksincha, Pogbaning transferiga qarating. «MYU» uning uchun 100 million yevro to‘lagan, ammo mening nazarimda u 200 million yevro bo‘lishi kerak edi.
Pogba – arzon futbolchi. «Yuventus» uni «Real»ga 200 million yevroga sotishi mumkin edi» - deydi Rayola.
