Bugun “Markaziy” stadionimizda katta futbol, Superliganing 4-tur doirasida “Nasaf” Bekobodning “Metallurg” jamoasi bilan bahslashadi. Uchrashuv soat 20:00da boshlanadi.

O‘zbekiston Superligasi-2018. 4-tur
“Nasaf” (Qarshi) - “Metallurg” (Bekobod)
30.03.2018. “Markaziy” stadion. 20:00da
Bosh hakam: Sherzod Qosimov (Toshkent)
Qanot hakamlari: Timur Gaynulin (Toshkent), Andrey Sapenko (Toshkent)
Zaxira hakami: Dmitriy Klepikov (Toshkent)
Nazoratchi: Radik Serazetdinov (Toshkent)
Uchrashuv komissari: Sardor Qudratullayev.

Mazkur jamoalar shu paytgacha  milliy chempionatimizda o‘zaro 40 marta tuqnash kelishgan. Bo‘lib o‘tgan 26 o‘yinda “Nasaf” jamoasining qo‘li baland kelgan. 4 o‘yinda durang natija qayd etilgan. Qolgan 10 uchrashuvda bekobodliklar g‘alaba qozonishgan. To‘plar nisbati bo‘yicha “Nasaf” futbolchilari ustunlikni o‘z qo‘llarida ushlab turishibdi – 69:31.

Qarshida bo‘lib o‘tgan o‘zaro 20 uchrashuvning 18tasida “Nasaf” g‘alaba qozongan. 1 uchrashuvda durang va yana 1 uchrashuvda ma’danchilar g‘alabaga erishgan. Qarshida bo‘lib o‘tgan uchrashuvlarda “Nasaf” yaqqol ustunlikka ega. Bo‘lib o‘tgan uchrashuvlarda darvozalarga 61ta to‘p kiritilgan. To‘plar nisbati bo‘yicha ham “Nasaf” ustunlik qilmoqda – 50:11.

“Metallurg” Qarshidan so‘nggi bor 2015 yilda g‘alaba  bilan qaytgan. Bu “Metallurg”ning Qarshida qozongan  yagona g‘alabasidir.

Jamoalar bugun o‘zaro 41-uchrashuvini o‘tkazishadi.

Barcha futbol ishqibozlarini “Markaziy” stadionimizga taklif etamiz!