Kecha O‘zbekiston Kubogi 1/32 final doirasida yana bir uchrashuv bo‘lib o‘tdi. O‘z maydonida Buxoroning “Labsa” klubini qabul qilgan “Sherdor” juda qiyin kechgan uchrashuvda o‘z raqibini penaltilar seriyasida 7:6 hisobida mag‘lub etdi va keyingi bosqichga yo‘llanma oldi.
Uchrashuv juda keskin va qiziqarli tarzda kechdi. Dastlabki daqiqadayoq mehmonlar “Sherdor” darvozasiga belgilangan penaltini golga aylantira olishmadi. Ammo, oradan biroz o‘tgach, hisobda oldinga chiqib olishdi. Ikkinchi taymning 79-daqiqasida mezbonlar raqib darvozasiga gol kiritib, hisobni tenglashtirishdi. O‘yinning asosiy vaqtida hisob boshqa o‘zgarmadi – 1:1.
Qo‘shib berilgan ikki taymda ham hisob o‘zgarmadi va jamoalar g‘olib nomini penaltilar seriyasida aniqlashdi. Juda qiziqarli kechgan penaltilar seriyasida esa, “Sherdor” raqibiga qaraganda omadliroq harakat qildi va 7:6 hisobida g‘alabaga erishdi.
O‘zbekiston Kubogi, 1/32 final.
“Sherdor” (Samarqand) – “Labsa” (Buxoro) – 1:1 (qo‘sh. vaqt 0:0, pen.seriyasi – 7:6) – 314 tomoshabin
Hakamlar: N. Qosimov (Qarshi), SH. Fayziyev, SH. Yuldashev, S. Holiqov.
Nazoratchi: SH. Jumayev (SHahrisabz).
Gollar: S. Ahmedov (79) – F. Muinov (4).
Amalga oshirilmagan penalti: F. Asadov (1, Sherdor)
Ogohlantirishlar: N. Hasanov (44) – A. Mamatov (41), S. Boymamatov (80)
“Sherdor”: Shuhrat Murodov, Farzin Muxtorov, Sherbek Shukurov, Orzumurod Ahmedov, Furqat Rahmonov, Mirmuhsin Yusupov, Asomiddin Mamatov, Behzod Ro‘zmatov, Sanjar Ahmedov, Saddam Boymamatov, Nurbek Olmasov.
“Labsa”: Shahzod Shamsiddinov, Narimon Hasanov, Shahzod Ishmatov, Saidjon Ashurov, Komil Samiyev, Ahadjon Qahhorov, Feruz Muinov, Nozimjon Ashurov, Firdavs Asadov, Sanjar Holiqov, Oybek Boboyev.
