Misrda joriy yilning 26-28 mart kunlari prezidentlik saylovlari bo‘lib o‘tdi.

Saylovlarning oxirgi bosqichida ikki nafar nomzod kurash olib bordi. Ulardan biri mamlakatning amaldagi prezidenti Abdul Fattoh as-Sisi va “Al-Gad” siyosiy partiyasi yetakchisi Mustafo Muso edi.

Bugun, 2 aprel kuni Misr Milliy saylov komissiyasi saylovning yakuniy natijalarini e’lon qildi. Unga ko‘ra, Sisi 97 foiz ovoz bilan yangi muddatga prezident lovozimini egalladi.

Saylovchilarning qolgan qismi Muso nomzodini qo‘llab-quvvatlagan.

Saylovlarda qiziq holat aniqlangan. Unga ko‘ra, saylovchilarning 1,5 million nafari berilgan saylov byulletenlariga qo‘shimcha o‘rin kiritib, Angliyaning “Liverpul” futbol klubi yetakchi o‘yinchisi misrlik Muhammad Salohga ovoz berishgan.

Ma’lumot o‘rnida, 2013 yilgi davlat to‘ntarishi vaqtida mamlakat Mudofaa vaziri lavozimida ish yuritayotgan Sisi sobiq prezident Muhammad Mursiy hokimiyati ag‘darilib, hibsga olngach, vaqtinchalik muddatga prezident vazifasini bajaruvchi etib tayinlangan edi. So‘ngra u prezidentlik saylovlarida g‘alaba qozongan.