“Roma” ustozi Eusebio Di Franchesko “Barselona”ga qarshi o‘yin oldidan fikr bildirdi.

“Barselona”ga yordam kerak emas, shuning uchun asosiy tarkibda kimlar tushishini aytib o‘tirmayman. Men faqat bir narsani aytishim mumkin — bugun “Roma” o‘ynaydi.

Shogirdlarim o‘yinga tayyor. Alisson bitta o‘yinda emas, bir nechta o‘yinda nimalarga qodir ekanligini isbotlab bo‘ldi. U allaqachon dunyoning eng kuchli darvozabonlari qatoridan joy oldi.

To‘g‘ri, Luis Suares YECHLda anchadan beri gol urmayapti, ammo u tajribali futbolchi. “Barselona”da ko‘p ishni bajaradi, u gol uradimi yoki urmaydimi, buning farqi yo‘q. Muhimi, biz o‘z o‘yinimizni ko‘rsatishimiz va eng kichik vaziyatlardan ham samarali foydalanishimiz kerak”, dedi Di Franchesko.