“Рома” устози Эусебио Ди Франческо “Барселона”га қарши ўйин олдидан фикр билдирди.

“Барселона”га ёрдам керак эмас, шунинг учун асосий таркибда кимлар тушишини айтиб ўтирмайман. Мен фақат бир нарсани айтишим мумкин — бугун “Рома” ўйнайди.

Шогирдларим ўйинга тайёр. Алиссон битта ўйинда эмас, бир нечта ўйинда нималарга қодир эканлигини исботлаб бўлди. У аллақачон дунёнинг энг кучли дарвозабонлари қаторидан жой олди.

Тўғри, Луис Суарес ЕЧЛда анчадан бери гол урмаяпти, аммо у тажрибали футболчи. “Барселона”да кўп ишни бажаради, у гол урадими ёки урмайдими, бунинг фарқи йўқ. Муҳими, биз ўз ўйинимизни кўрсатишимиз ва энг кичик вазиятлардан ҳам самарали фойдаланишимиз керак”, деди Ди Франческо.