Родри «ПСЖ» эътиборини тортди.
RMC Sport хабарига кўра, Париж клуби ярим ҳимоячининг трансфер шартларини билиш учун «Манчестер Сити» билан боғланган. Френки де Йонгнинг жароҳатидан сўнг майдон марказини кучайтиришни мақсад қилган «Барселона» ҳам 30 ёшли футболчи учун курашга қўшилди.
Қайд этилишича, айни вақтда Родрини ўз сафига қўшиб олиш пойгасида «Реал» пешқадамлик қилмоқда. Мадридликлар хавбек билан келишувга эришиб бўлишган, аммо бу трансфер учун қўшимча маблағ топиш мақсадида ўз яримҳимоячиларидан бирини сотишларига тўғри келади.
«Манчестер Сити» эса ўз навбатида футболчи билан 2027 йилда тугайдиган шартномани узайтирмоқчи. «Шаҳарликлар» янги битим тузишга кўндира олишмаса ва келаси ёзда уни текинга бой бериш хавфи туғилса ҳам, Родрини кейинги мавсумда жамоада олиб қолмоқчи.
Испаниялик футболчи АПЛнинг ўтган мавсумида 21 та ўйинда майдонга тушиб, 1 та гол уришга эришди.
