Мадриднинг «Реал» клуби вингери Винисиус Жуниор Англия Премьер-лигасига кўчиб ўтиши мумкин. Бразилиялик футболчига Лондоннинг «Арсенал» клуби қизиқиш билдирмоқда. Бу ҳақда The Athletic журналисти Дэвид Орнштейн хабар бермоқда.
Манбанинг таъкидлашича, «канонирлар» томонидан кўрсатилаётган қизиқиш ҳозирча дастлабки босқичда турибди. Клуб раҳбарияти айни дамда Винисиусни сотиб олиш имкониятларини ўрганиб чиқмоқда. Шу билан бирга, бу ғоя Англиянинг амалдаги чемпиони раҳбарияти томонидан барча даражаларда маъқуллангани айтилмоқда.
Воқеаларнинг кейинги ривожи «Реал» ва ҳужумчи ўртасидаги янги шартнома бўйича музокаралар қандай кечишига боғлиқ. Унинг амалдаги шартномаси тугашига бир йил вақт қолган.
Винисиус 2018 йилдан бери «қироллик клуби» шарафини ҳимоя қилиб келмоқда. Transfermarkt портали маълумотларига кўра, Бразилия терма жамоаси вингерининг бозор қиймати 140 миллион еврони ташкил этади.
