Ману Коне ҳануз «Манчестер Юнайтед»нинг трансфер мақсадлари рўйхатида турибди, аммо музокаралар ҳозирча олдинга силжигани йўқ.

Corriere dello Sport нашри хабарига кўра, «Рома» 25 ёшли яримҳимоячини 31 июлга қадар сотиб юбормоқчи. Бу римликларга молиявий фэйр-плей (FFP) талабларини бажариш ва УЕФА олдидаги мажбуриятларини ёпиш учун зарур. «Рома» ўз футболчисини 60 миллион еврга баҳоламоқда.

Коне 2026 йилги жаҳон чемпионатида Франция терма жамоаси сафида ёрқин ўйин кўрсатгач, топ-клублар эътиборини тортди. Хабарларга кўра, «Манчестер Юнайтед» футболчининг ўзи билан шахсий шартнома шартларини келишиб олган, аммо «Рома»га ҳали расмий таклиф билан чиқмаган.

«Манчестер Юнайтед» раҳбарияти ичида Коне номзоди бўйича ягона тўхтам йўқ. The Telegraph маълумотига кўра, клуб мутасаддиларининг ҳаммаси ҳам бу трансферни қўллаб-қувватламаяпти.

Шунингдек, француз футболчисига «МЮ»дан ташқари «Арсенал» ва «Челси» клублари ҳам жиддий қизиқиш билдирмоқда.