“Bavariya” ustozi Yupp Xaynkess “Real”ga qarshi o‘yinda o‘ta qo‘pol xatoga yo‘l qo‘ygan Sven Ulrayxning xatti-harakatlariga baho berdi. Ikkinchi bo‘lim boshida Ulrayx Tolisso tomonidan uzatilgan to‘pni qabul qilishda dovdirab qolgan va to‘pni o‘tkazib yuborgandi, oqibatda Benzema darvozani ishg‘ol etgandi.
“Ulrayx shoshib qoldi, ko‘z oldi qorong‘ilashib ketdi. U avval to‘pni ushlashi yoki ushlamasligini bilmay dovdiradi. To‘pni qo‘liga ololmasligini bilganidan so‘ng asabiylashdi va xato yuzaga keldi. Bu futbolchi uchun dahshatli holat, jamoam uchun yaxshi emas, ammo biz ko‘plab vaziyatlar yaratdik, darvozabon ham yaxshi o‘ynadi”, dedi Xaynkess.
