“Бавария” устози Юпп Хайнкесс “Реал”га қарши ўйинда ўта қўпол хатога йўл қўйган Свен Ульрайхнинг хатти-ҳаракатларига баҳо берди. Иккинчи бўлим бошида Ульрайх Толиссо томонидан узатилган тўпни қабул қилишда довдираб қолган ва тўпни ўтказиб юборганди, оқибатда Бензема дарвозани ишғол этганди.

 “Ульрайх шошиб қолди, кўз олди қоронғилашиб кетди. У аввал тўпни ушлаши ёки ушламаслигини билмай довдиради. Тўпни қўлига ололмаслигини билганидан сўнг асабийлашди ва хато юзага келди. Бу футболчи учун даҳшатли ҳолат, жамоам учун яхши эмас, аммо биз кўплаб вазиятлар яратдик, дарвозабон ҳам яхши ўйнади”, деди Хайнкесс.