Superliga 10-turi dorasidagi so‘nggi bahs o‘z poyoniga yetdi. Buxoroda kechgan «Buxoro» - «Navbahor» uchrashuvi namanganliklarning minimal hisobdagi g‘alabasi bilan yakunlandi.
Uchrashuv boshini mehmonlar hujumkor tarzda boshlashdi va 10-daqiqaga kelib «lochinlar» himoyachisi Mirzohid G‘ofurov yengil zarba bilan to‘pni darvozabon ustidan oshirib qo‘ygan holda hisobni ochdi.
Mazkur goldan so‘ng tabiiyki, mezbonlar o‘yin tizginini sekin-asta qo‘llariga olib, hujumlar sonini oshirishdi. «Navbahor» esa mudofaani kuchayritgan holda asosiy e’tiborini qarshi hujumlarga qaratdi. Birinchi bo‘lim shu asonada o‘z poyoniga yetdi.
Ikkinchi bo‘limda «Buxoro» hujumlar sonini yanada oshirdi, biroq har qancha urinishmasin «lochinlar» himoyasi bugun shunchalik ishonli harakat qildiki, hattoki bittagina jiddiy xatolik ham bo‘lmadi deyish mumkin.
Shu tariqa «Navbahor» qiyin bahsda hisobidagi ochkolari sonini 3taga oshirib oldi.
SUPERLIGA. 10-TUR
«BUXORO» – «NAVBAHOR» - 0:1 (0:1)
Gol: Mirzohid G‘ofurov (10.
Buxoro: Asilbek Omonov, Arslonmurod Omonov, Salamat Qutiboyev, Shavkat Salomov, San’at Shixov, Bahodir Nasimov, Artyom Filiposyan, Shavkat Mullajonov, Ergash Ismoilov (Javohir Qahramonov, 46), Aziz Ibragimov (SHahboz Erkinov, 55), Sergey Ruseskiy.
Navbahor: Akbar To‘rayev, Oston O‘runov, Ayubxon No‘’monov, Dilshod Jabborov, Azizbek Turg‘unboyev, Zohir Pirimov, Sardor Sulaymonov (Darko Stanoyevich, 58), Mirzohid G‘ofurov, A’zam Aliyev, Jahongir Mehmonov, Tomislav Payovich.
