"Paxtakor" yarim himoyachisi "Nasaf" bilan uchrashuv arafasida o‘yin xususida fikrlarini bildirib o‘tdi.
- Bellashuvga tayyorgarlikni yaxshi olib bordik. Ikkala jamoa oxirgi ikki turda g‘alaba qozonmadi, yutuqni sog‘ingan jamoalar o‘ynaydi. "Nasaf" bilan to‘qnashuvlarimiz hamisha zo‘r kechadi. Ularni hozirgi paytda ahvoli yaxshi emas deyishmoqda, lekin "Paxtakor"ga qarshi jamoalar muammoni esdan chiqarib o‘ynashadi. Muxlislari oldida o‘zlarini ko‘rsatishga urinishadi.
Ehtimol, "Nasaf" joriy mavsum avvalgi yildagidek kuchli ko‘rinmayotgandir, ammo bu jamoa safida iqtidorli yoshlar yetarli. Ular yaxshi saviyada futbol o‘ynay olishadi.
Biz maydonga faqat g‘alaba uchun tushamiz. Yutuq bizga judayam kerak. Mazkur uchrashuvda jamoamizni durang ham qoniqtirmaydi.
