Rimning “Roma” klubi yangi mavsumda ham YECHLda ishtirok etadi. Bunga “Inter”ning kecha “Sassuolo”ga qarshi uchrashuvda imkoniyatni boy bergani sabab bo‘ldi.

“Inter” (5-o‘rin) chempionat yakuniga 1 tur qolganida “Roma”dan (3-o‘rin) 4 ochko ortda qolmoqda.

Ustiga-ustak, yakshanba kuni “Inter” YECHLga chiqish imkoniyatidan mahrum bo‘lishi mumkin. “Inter” 4-o‘rindagi “Lasio”dan 2 ochko kam to‘plagan bo‘lib, rimliklar bugun “Krotone” bilan bahs olib boradi.

Eslatib o‘tamiz, “Roma” joriy mavsum YECHLning yarim final bosqichiga yetib bordi.