“Manchester Siti” klubining braziliyalik darvozaboni Ederson uchun bu yil omadli keldi. Gvardiola qo‘l ostidagi jamoaga qo‘shiliboq, asosiy posbonga aylandi.
Keyin esa chempionat tugashiga bir necha tur qolganida, asosiy ta’qibchisi “MYU”ni orta qoldirib, prem’erliga chempioni bo‘ldi. Endi esa, Ederson “Manchester Siti” mashg‘ulotlarida to‘pni uzoq masofaga tepib, Ginnessning rekordlar kitobiga kirdi.
Hali shu paytga qadar hech bir darvozabon, o‘z postidan turib tepgan to‘pi 75 metrdan uzoq masofaga borib tushmagandi. Edersonning zarbasi 75,3 metrlik uzoqlikka yetib bordi. Bunday ko‘rsatkich bilan braziliyalik darvozabon Ginness rekordlar kitobining sertifikatini oldi.
Eslatib o‘tamiz, 24 yoshli Ederson mavsum avvalida “Benfika”dan “Siti” safiga 40 million yevro evaziga o‘tgandi. U prem’er-ligada o‘tkazgan dastlabki mavsumida 45 bor maydonga tushib, 36 ta gol o‘tkazib yubordi. 21 uchrashuvda davroza daxlsizlini saqlab qoldi.