O‘zbekiston chempionatining 12-turiga start berildi. Qarshining "Nasaf" klubi o‘z maydonida musobaqa autsayderi — "Neftchi"ni qabul qildi.
Stadionga yig‘ilgan ishqibozlar hamda uchrashuvda oynai jahon orqali kuzatgan muxlislar ancha zerikarli bahsga guvoh bo‘lishdi. Futbolchilarda negadir katta ishtiyoq kuzatilmadi.
Butun o‘yin davomida muxlislar gol ko‘rishmadi. Faqatgina uchrashuv so‘ngiga kelib Ro‘ziqul Berdiyev shogirdlari g‘alabani ilib ketishga muvaffaq bo‘lishdi. Bahsning 89-daqiqasida Dragan Cheran "Neftchi" darvozasi tomon belgilangan penaltidan samarali foydalanib, hisobni ochdi. Qo‘shib berilgan daqiqalarda esa Igor Golban "Nasaf"ning ikkinchi golini raqib darvozasiga joyladi.
Ushbu g‘alabadan keyin "Nasaf" o‘z ochkolarini 17taga yetkazib, musobaqa jadvalidagi pozisiyasini biroz mustahkamlab oldi. Farg‘onaliklar esa so‘nggi pog‘onada qolishmoqda.
Pepsi Superliga, 12-tur.
“Nasaf” – “Neftchi” 2:0.
Gollar: Dragan Cheran (90 penalti), Igor Golban (90+2).
“Nasaf”: 35.Sanjar Quvvatov, 5.G‘olib G‘aybullayev (21.Jahongir Aliyev, 75), 6.Azizjon G‘aniyev, 7.Odiljon Hamrobekov, 14.SHarof Muhitdinov, 17.Doniyor Narzullayev (55.Slavko Lukich, 46), 22.Igor Golban, 31.Saydullo Rahmatov, 52.SHerzod Temirov (20.Islom Kenjaboyev, 64), 69.Dragan Cheran (s), 92.Umarbek Eshmurodov.
“Neftchi”: 1.Abdumavlon Abdujalilov, 2.Iskandar Shoyqulov, 3.SHukurali Po‘latov (s), 19.Avazbek O‘lmasaliyev, 20.Husniddin G‘ofurov (27.Davron Mamatov, 90+2), 22.Abdujamol Isroilov, 23.Abdurahmon Abdulhaqov (9.Abdul Aziz Yusupov, 74), 25.Alisher Samatov, 71.Xurshid Asqaraliyev, 90.Islombek Karimov (6.Otabek Ahmadjonov, 58), 95.Dostonbek Tursunov.
Ogohlantirishlar: Abdul Aziz Yusupov 75.
