Mana, o‘tgan hafta Pepsi Superliganing birinchi davrasi yakuniga yetdi. Kecha esa chempionatning ikkinchi dovoni boshlanib ketdi. Tushunarliki, aynan 12-22-turlar oralig‘idagi uchrashuvlar ko‘p narsaga oydinlik kiritadi.
Ya’ni ular natijasiga qarab, ishtirokchi klublar ikki guruhga bo‘linadi - kuchli oltilik chempionlik, OCHL yo‘llanmalari va sovrinlar yo‘lida kurashni davom etirsa, qolgan 6ta jamoa Superligada qolish ilinjida o‘ynaydi. 3-davradan oldin «oltin ochko» qoidasi bo‘yicha jadval tuzilishidan xabaringiz bor, albatta.
Agar birinchi davra yakuni bo‘yicha shunday jadval shakllantirsak, hozirda «Navbahor» yakka peshqadam maqomida. Namanganliklar 11ta tur yakuni bo‘yicha kuchli oltilikdan joy olgan raqiblarga qarshi 5ta o‘yinda 10 ochko olishgan.
Taqqoslash uchun aytsak, haqiqiy turnir jadvali karvonboshisi - «Paxtakor»da «oltin ochkolari» soni 7ta va jamoa atigi 4-o‘rinda.
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
